Samtök um mannvæna tækni

Samtök um mannvæna tækni sinna fræðslu og rannsóknum sem leggja áherslu á að hönnun, þróun og notkun tækni fylgi siðferðilegum viðmiðum sem setja velferð notenda, náttúru og samfélags í heild í forgang fram yfir einkahagsmuni og skammtímaávinning.

Næstu viðburðir

Grunnstefna →

Greinar og fréttir

Sjá allar →

10. júní 2025

Kveðjum sjálfhverfa og fyrirsjáanlega manninn

Halldóra Mogensen

13. maí 2025

Hverjum þjónar nýsköpunin?

Halldóra Mogensen

30. apríl 2025

Að undirbúa börnin okkar fyrir heim sem er að hverfa

Halldóra Mogensen

11. apríl 2025

Stalín á ekki roð í algrímið

Halldóra Mogensen

13. febrúar 2025

Lifir lýðræðið gervigreindina af?

Halldóra Mogensen

20. nóvember 2024

Umsögn við aðgerðaáætlun stjórnvalda í gervigreind 2024-2026

Gamithra Marga, Atli Þór Jóhannsson, Aþena Ýr Ingimundardóttir

open.mannvaen.is

Íslenskur opinn hugbúnaður

Safn opinna hugbúnaðarverkefna með tengingu við Ísland

Yfirlit yfir verkefni sem eru þróuð af Íslendingum, íslenskum fyrirtækjum og
stofnunum eða hafa tengingu við Ísland á annan hátt.

Skoða verkefni

+ Bæta við verkefni

→

Málefni

Félagsleg og sálræn heilsa

Sömu tækniframfarir og hafa gert okkur kleift að tengjast, ræða og leysa alþjóðleg vandamál á áður óþekktum skala, eru einnig nýttar til að græða á athygli okkar. Þetta getur leitt til ávanabindandi stafrænnar hegðunar, minnis- og athyglisvandamála, einmanaleika og almennrar aftengingar frá samfélaginu. Fjarlægðin og nafnleyndin sem algrímsstýrð stafræn rými byggjast á ala óneitanlega á hatri, neteinelti og stöðugum félagslegum samanburði.

Upplýsingaöryggi og lýðræði

Í heimi þar sem upplýsingar ferðast á ljóshraða án nokkurra takmarkana er nauðsynlegt að skapa nýjar væntingar og viðmið til að vernda trúverðugleika upplýsinga og lýðræðisleg gildi. Algrímsstýrðir bergmálshellar og sjálfvirk sögufölsun stýrir því hvernig við kjósum, deilum, tölum saman og tökum ákvarðanir. Þrátt fyrir að við höfum tæknigetuna til að skapa beint útópískt lýðræði, þá hvetja óforskömmuð viðskiptamódel frekar til meiri aftengingar og sundrungar en áður hefur sést, þar sem línurnar á milli sannleika og tilbúnings verða sífellt óljósari.

Óheft tækniþróun

Sama nútímatækni og gerir okkur kleift að flýta öllum ferlum flýtir einnig öllum alþjóðlegum áhættum sem teknar eru. Við verðum að bregðast skjótt við ógnum sem stafa af afskiptalausri gervigreind, aukinni sjálfvirkni og algrímshlutdrægni, áhrifum mannskyns á lífríkið og vaxandi efnahagslegum ójöfnuði í heiminum. Það sem meira er, vaxandi valdaójafnvægi í heiminum eykur hættuna á því að þeir sem hafa aðgang að nútímatækni á borð við gervigreind og líftækni noti hana í hernaðarlegum tilgangi.